ሌ/ጄነራል ታደሰ ወረደ ከእገታ ስለመትረፋቸውና ስለ መከላከያ ሰራዊት ውለታ ተናገሩ

የቀድሞ የትግራይ ጊዜያዊ አስተዳደር ፕሬዝዳንት ሌ/ጄነራል ታደሰ ወረደ ከታገቱበት ሁኔታ አምልጠው መውጣታቸውን ተከትሎ ከአውራምባ ታይምስ ጋር ቆይታ አድርገዋል። በቆይታቸውም የትግራይን ሰላም የሚጎዱ አካላት ከድርጊታቸው እንዲታቀቡ ቢመክሩም ሰሚ እንዳልነበራቸው ገልጸዋል። በራሳቸውና በባልደረቦቻቸው ላይ የተወሰደው እርምጃ ህጋዊም ሆነ ፖለቲካዊ መሰረት እንደሌለው ተናግረዋል።

ከእገታው ለማምለጥ የረዳቸውን ሂደት በዝርዝር ባይገልጹም፣ ለሀገር መከላከያ ሰራዊት እና ለትግራይ ሰላም ሰራዊት ምስጋና አቅርበዋል። በተለይም የመከላከያ ሰራዊት ህይወታቸውን ለመታደግ ትልቅ ሚና እንደነበረው በመግለጽ ለተቋሙና ለኃላፊዎቹ ያላቸውን አክብሮትና ምስጋና ገልጸዋል።