ሌ/ጄነራል ታደሰ ወረደ ካብ እገታ ምድሓኖምን ብዛዕባ ተራ ሰራዊት ምክልኻልን ተዛሪቦም

ቀዳማይ ፕረዚደንት ግዝያዊ ምምሕዳር ትግራይ ሌ/ጄነራል ታደሰ ወረደ ካብ ዝተታሕዝሉ እገታ ድሕሪ ምምላጦም ምስ 'ኣውራምባ ታይምስ' ኣብ ዘካየድዎ ቃለ መሕትት ርእይቶ ሂቦም። ኣብቲ ፃንሒት፡ ንሰላም ትግራይ ዝጎድኡ ኣካላት ካብ ተግባሮም ክቑጠቡ እንተመኸሩ እውን ሰማዒ ከምዘይረኸቡ ገሊጾም። ኣብ ልዕሊኦምን መሳርሕቶምን ዝተወሰደ ስጉምቲ ሕጋዊ ይኹን ፖለቲካዊ መሰረት ዘይብሉ ምዃኑ ተዛሪቦም።

ካብቲ እገታ ንምምላጥ ዝተኸተልዎ መስርሕ ብዝርዝር ክዛረቡ እንተዘይደለዩ እውን፡ ንሰራዊት ምክልኻል ሃገርን ንሰራዊት ሰላም ትግራይን ምስጋና ኣቕሪቦም። ብፍላይ ከኣ ሰራዊት ምክልኻል ህይወቶምን ህይወት መሳርሕቶምን ንምድሓን ዓቢ ተራ ከምዝነበሮ ብምግላጽ ንመሪሕነት እቲ ሰራዊት ምስጋናኦም ኣረኪቦም።