የአሜሪካ ውጭ ጉዳይ ሚኒስትር ከጠቅላይ ሚኒስትር ዐቢይ አሕመድ ጋር ተወያዩ

የአሜሪካ የውጭ ጉዳይ ሚኒስትር ማርኮ ሩቢዮ ከጠቅላይ ሚኒስትር ዐቢይ አሕመድ ጋር በስልክ ውይይት አድርገዋል። በውይይታቸው በኢትዮጵያ እና በኤርትራ መካከል እየከረረ ስለመጣው ውጥረት የተነጋገሩ ሲሆን፣ ሚኒስትሩ ሁለቱም ወገኖች ሁኔታውን እንዲያረግቡ ጥሪ አቅርበዋል።

ለቀጣናው ዘላቂ መፍትሔ በ2018ቱ የኢትዮ-ኤርትራ የሰላም ስምምነት ማዕቀፍ መሠረት ውይይት ማድረግ ብቻ እንደሆነ ሚኒስትሩ አሳስበዋል። በተጨማሪም የአፍሪካ ቀንድ ሀገራት የጎረቤቶቻቸውን ሉአላዊነት እንዲያከብሩ እና ከድንበር ተሻጋሪ ጥቃቶች እንዲቆጠቡ አሳስበው፣ ቀጣናው ተጨማሪ ግጭት መሸከም እንደማይችል ገልጸዋል።