ሚኒስትር ጉዳያት ወጻኢ ኣሜሪካ ምስ ቀዳማይ ሚኒስትር ኣብይ ኣሕመድ ተዛቲዮም

ሚኒስትር ጉዳያት ወጻኢ ኣሜሪካ ማርኮ ሩቢዮ ምስ ቀዳማይ ሚኒስትር ኣብይ ኣሕመድ ብስልኪ ተዛቲዮም። ኣብቲ ዝገበርዎ ዘተ፡ ኣብ መንጎ ኢትዮጵያን ኤርትራን እናገደደ ኣብ ዝመጽእ ዘሎ ወጥሪ ኣድሂቦም ዝተዛተዩ ኮይኖም፡ ሚኒስትር ሩቢዮ ክልቲኦም ወገናት ንኩነታት ንምህዳእ ጻውዒት ኣቕሪቦም።

ንዞባዊ ውጥረት ቀዋሚ ፍታሕ ዝኸውን ኣብ ውዕሊ ሰላም ኢትዮ-ኤርትራ 2018 ተመርኲስካ ዝግበር ዘተ ጥራይ ምዃኑ እቶም ሚኒስትር ኣገንዚቦም። ብተወሳኺ፡ ሃገራት ቀርኒ ኣፍሪቃ ልኡላውነትን ግዛታዊ ሓድነትን ጎረባብተን ከኽብራን ካብ ድንበር ተሳጊርካ ካብ ዝግበር መጥቃዕቲ ክቑጠባን ኣተሓሳሲቦም። እቲ ዞባ ተወሳኺ ግጭት ክጻወር ከም ዘይክእል እውን ኣመልኪቶም።