በጋምቤላ ከተማ በተፈፀመ ጥቃት የሰዎች ህይወት አለፈ

በጋምቤላ ከተማ በትላንትናው ዕለት እና ከትላንት በስቲያ በተፈፀሙ ጥቃቶች የሰዎች ህይወት ማለፉ ተረጋግጧል። የጋምቤላ ሆስፒታል ሜዲካል ዳይሬክተር ዶክተር ማክ አኡጁሉ አምስት ሰዎች መሞታቸውን አረጋግጠዋል። ጥቃቶቹ ከፊሉ በቤታቸው ውስጥ እያሉ የተፈፀሙ ሲሆን፣ የከተማው ነዋሪዎች እንደገለፁት ጥቃቱ ከተወሰደ የበቀል እርምጃ ጋር የተያያዘ ሊሆን እንደሚችል ተጠርጥሯል።

ሆስፒታሉ የደረሱ አራት ሰዎች በጥይት ተመተው የነበሩ ሲሆን፣ ሦስቱ ህይወታቸው አልፏል። በተጨማሪም በስለት የተወጉ አንዲት አረጋዊት ሴት ህክምና ሳይደረግላቸው ህይወታቸው ማለፉ ተገልጿል። የሟቾች ቁጥር ሊጨምር እንደሚችል የተሰማ ሲሆን፣ የክልሉ የፖሊስ ኮሚሽን ስለ ጉዳዩ በዝርዝር መረጃ ከመስጠት ተቆጥቧል።