ኣብ ከተማ ጋምቤላ ብዝተፈፀመ መጥቃዕቲ ህይወት ሰባት ሓሊፉ

ኣብ ከተማ ጋምቤላ ኣብ ዝሓለፉ ክልተ መዓልታት ኣብ ዝተፈፀመ መጥቃዕቲ ህይወት ሰባት ከምዝሓለፈ ተረጋጊፁ። ዳይሬክተር ሜዲካል ሆስፒታል ጋምቤላ ዶክተር ማክ ኣኡጁሉ ሓሙሽተ ሰባት ከምዝሞቱ ኣረጋጊፆም ኣለዉ። ገለ ካብቶም ግዳያት ኣብ ቤቶም ከለዉ እዮም ተጠቒዖም፤ ነበርቲ እቲ ከተማ ከምዝገለፅዎ ድማ እቲ መጥቃዕቲ ምስ ናይ ሕነ ምፍዳይ ስጉምቲ ዝተኣሳሰር ክኸውን ከምዝኽእል ተገሚቱ ኣሎ።

ናብቲ ሆስፒታል ካብ ዝበፅሑ ኣርባዕተ ሰባት እቶም ሰለስተ ብጥይት ተወቒዖም ከይበፅሑ ህይወቶም ከምዝሓለፈ ክግለፅ ከሎ፡ ሓደ ድማ እናተሓከመ ከሎ ህይወቱ ሓሊፉ። ብተወሳኺ ሓንቲ ብዕድመ ዝደፍኣ ሰበይቲ ብስለት ተወጊአን ሆስፒታል ከይበፅሓ ህይወተን ከምዝሓለፈ ተረጋጊፁ። ብዝሒ ህይወቶም ዝሓለፈ ሰባት ክውስኽ ከምዝኽእል ተገሊፁ ኣሎ። ኮሚሽን ፖሊስ እቲ ክልል ብዛዕባ እቲ መጥቃዕቲ ዝርዝር ሓበሬታ ካብ ምሃብ ተቖጢቡ ኣሎ።