ጠቕላላ ምንዋር ዋጋ ናይ መስከረም ወርሒ ናብ 14.9 ሚኢታዊ ዓሪጉ

ኣገልግሎት ስታትስቲክስ ኢትዮጵያ ከም ዘፍለጦ፡ ጠቕላላ ምንዋር ዋጋ (ኢንፍሌሽን) ናይ ወርሒ መስከረም 2019 ዓ.ም ናብ 14.9 ሚኢታዊ በፂሑ ኣሎ። እዚ ቁፅሪ እዚ ምስ ናይ ዝሓለፈ ዓመት ተመሳሳሊ እዋን ዝነበረ 13.2 ሚኢታዊ እንትነፃፀር ወሰኽ ዘርኢ እዩ።

ምንዋር ዋጋ መግቢን ዘይአልኮላዊ መስተታትን 14.8 ሚኢታዊ ክኸውን ከሎ፡ ንመግቢ ዘይኮኑ ድማ 15.1 ሚኢታዊ ተመዝጊቡ። ከም ሽኮርን መዓርን (39.8%)፡ ስጋ (22%)፡ ከምኡ እውን ዘይትን ቅቤን (18.2%) ኣብ ዝኣመሰሉ ዓይነታት መግቢ ልዑል ወሰኽ ዋጋ ተራእዩ። ብተመሳሳሊ፡ ኣብ ዓውዲ ትራንስፖርት፡ ትምህርትን መስተታትን እውን ወሰኽ ዋጋ ከምዝተመዝገበ ሓበሬታውያን የረድኡ።