ዶ/ር ወንድወሰን አሰፋ ከቂሊንጦ ዞን 6 ወደ ዞን 4 ተዘዋወሩ

በቂሊንጦ ማረሚያ ቤት በ"ዞን 6" ታስረው የነበሩት ዶ/ር ወንድወሰን አሰፋ፣ በደረሰብኝ ያሉት የመብት ጥሰት ተቃውመው የምግብ እና የመድኃኒት አድማ ላይ ከቆዩ በኋላ ወደ "ዞን 4" መዛወራቸውን ጠበቃቸው ሰለሞን ገዛኸኝ ገልጸዋል። የቂሊንጦ ማረሚያ ቤት አስተዳደር ለፍርድ ቤት በሰጠው ምላሽ፣ ታሳሪው ከነበረበት ቦታ መዛወሩን አረጋግጧል። ዶ/ር ወንድወሰን አድማውን አቁመው ምግብ መመገብ እና ህክምናቸውን መቀጠላቸውን ጠበቃው ተናግረዋል። በሌላ በኩል፣ በአቶ ዮሐንስ ቧያሌው እና በጋዜጠኛ ዳዊት በጋሻው ጉዳይ፣ ነገ የማረሚያ ቤቱ ኃላፊ ፍርድ ቤት ቀርበው ማብራሪያ ይሰጣሉ ተብሎ ይጠበቃል።