በጋምቤላ ከተማ የጸጥታ ሁኔታ እና የነዋሪዎች ስጋት

በጋምቤላ ከተማ የጸጥታ ሁኔታ በአንጻራዊነት መረጋጋት ቢታይበትም መደበኛ የዕለት ተዕለት እንቅስቃሴዎች አሁንም አልተመለሱም። ነዋሪዎች በተለይ በ04 ቀበሌ የሚኖሩ ሰዎች ወደ ሌሎች አካባቢዎች መፈናቀላቸውን እና የንግድ እንቅስቃሴዎች መስተጓጎላቸውን ለቲክቫህ ኢትዮጵያ ገልጸዋል። የጋምቤላ ሕዝቦች ዲሞክራሲያዊ ንቅናቄ ሊቀመንበር አቶ ሳይመን ቱት አሁንም በተወሰኑ አካባቢዎች ከፍተኛ ስጋት እንዳለና ነዋሪዎች ከጥቃት በመስጋት መፈናቀላቸውን ተናግረዋል። የከተማ አስተዳደሩ በበኩሉ የጸጥታ ኃይሎች ሁኔታውን ለመቆጣጠር እየሰሩ መሆናቸውን በመግለጽ ነዋሪዎች ወደ ቀያቸው እንዲመለሱና የንግድ ተቋማት አገልግሎት እንዲሰጡ ጥሪ አቅርቧል። መከላከያና ፌዴራል ፖሊስ በአካባቢው ጥበቃ እያደረጉ ይገኛሉ።