Haala Nageenyaa Magaalaa Gaambeellaa fi Yaaddoo Jiraattotaa

Haalli nageenyaa magaalaa Gaambeellaa yeroo ammaa sadarkaa tasgabbaa’aa irra kan jiru ta’us, sochiin guyyuu gara haala isaa isa duraatti hin deebine. Jiraattonni akka Tikvah Itoophiyaatti himanitti, keessattuu qe’ee 04 irraa namoonni ganda biroo keessatti buqqa’anii jiru akkasumas sochii daldalaa dhaabbatee jira. Dura taa’aan sochii demokraatawaa uummata Gaambeellaa obbo Saayiman Tuut akka jedhanitti, naannolee tokko tokko keessatti yaaddoon olaanaan jiraachuu isaa fi jiraattonni sodaatanii qe’ee isaanii gadi lakkisanii baqachuu isaanii ibsaniiru. Bulchiinsi magaalaa gama isaatiin, humnoonni nageenyaa haala tasgabbeessuuf hojjachaa akka jiran ibsee, jiraattonni gara qe’ee isaaniitti akka deebi’anii fi dhaabbileen daldalaa hojii isaanii akka eegalan waamicha dhiyeessera. Raayyaan Ittisaa fi Poolisiin Federaalaa naannoo sana eegaa jiru.