ኢሎን ማስክ ኣብ ኣየር ክንሳፈፍ ትኽእል እያ ዝተባህለት ሓዳስ መኪና ቴስላ ኣፋሊጦም

ዋና ኣካያዲ ስራሕ ኩባንያ ቴስላ ኢሎን ማስክ፡ ምስ ቴክኖሎጂ ሮኬት ስፔስ ኤክስ ተዋህዳ ኣብ ኣየር ክትሳፈፍ ትኽእል እያ ዝተባህለት ሓዳስ መኪና ቴስላ ሮድስተር ኣፋሊጦም። እታ መኪና ካብ 0 ክሳብ 97 ኪሜ/ሰዓት ዘሎ ፍጥነት ኣብ ትሕቲ ሓደ ሰከንድ (0.8 ሰከንድ) ክትበጽሕ ትኽእል እያ። እቲ ፈተነ ድሕንነት ንምሕላው ብዘይ መራሒ ከምዝተኻየደ ተገሊጹ። እታ መኪና ኣብ 2028 ናብ ዕዳጋ ክትወጽእ ትጽቢት ይግበር። እንተኾነ ግን፡ ቴክኖሎጂ ሮኬትን መኪናን ኣዋሂድካ ኣብ ኣየር ናይ ምብራር ዓቕሚ ምርግጋጽ ዓቢ ናይ ቴክኒክ ብድሆ ከምዝህልዎ ተመራመርቲ እቲ ዓውዲ ሓቢሮም ኣለዉ።