የኢሕአፓ አመራር አቶ አበበ አካሉ ከእስር ተፈቱ

የኢትዮጵያ ሕዝባዊ አብዮታዊ ፓርቲ (ኢሕአፓ) ከፍተኛ አመራር አቶ አበበ አካሉ በዋስትና ከእስር ተፈቱ። አቶ አበበ በሽብር ወንጀል ክስ ቀርቦባቸው በእስር ላይ የቆዩ ሲሆን፣ ለልደታ ከፍተኛ ፍርድ ቤት የ50,000 ብር ዋስትና በማስያዝ ዛሬ ምሽት መፈታታቸውን ጠበቃቸው ሰለሞን ገዛኸኝ እና የፓርቲው ፕሬዚዳንት አቶ አብርሃም ሃይማኖት አረጋግጠዋል። ፍርድ ቤቱ የዋስትና ውሳኔውን መስከረም 27 ቀን የሰጠ ቢሆንም እስካሁን ሳይፈቱ ቆይተው ነበር። ይሁን እንጂ አብረዋቸው በእስር ላይ የሚገኙት የፓርቲው የሕግ ባለሙያ አቶ አበራ ንጉስ እና የሕዝብ ግንኙነት ኃላፊ አቶ ይስሃቅ ወልዳይ እስካሁን አልተፈቱም።