Hoggantoonni EPRP, Obbo Abebe Akalu hidhaa irraa gadhiifaman

Hoggantoonni olaanoo Paartii Revuluushinii Ummata Itoophiyaa (EPRP), Obbo Abebe Akalu wabii baasanii hidhaa irraa gadhiifaman. Obbo Abeben shororkeessummaan himatamanii hidhaa turan. Abukaatoon isaanii Obbo Solomon Gezahegn fi Preezidaantiin paartichaa Obbo Abraham Haymanot akka mirkaneessanitti, Mana Murti Ol'aanaa Lidetaa fi Mana Murtii Waliigalaa Federaalaan wabii birrii 50,000 akka qabsiisan erga murtaa'ee booda galgala kana gadhiifamaniiru. Murtiin wabii Fulbaana 27 kan darbe ta'us, hanga har'aatti utuu hin gadhiifamin turaniiru. Haa ta'u malee, miseensonni paartichaa isaan waliin hidhamanii turan ogeessi seeraa Obbo Abera Nigus fi itti gaafatamaan quunnamtii uummataa Obbo Yishak Woldai hanga ammaatti hin gadhiifamne.