በምሥራቅ ጉራጌ ዞን ሶዶ ወረዳ በታጣቂዎች ጥቃት 11 ሰዎች ተገደሉ

በማዕከላዊ ኢትዮጵያ ክልል፣ ምሥራቅ ጉራጌ ዞን ሶዶ ወረዳ ነዋሪዎች ከፍተኛ የደህንነት ስጋት ውስጥ መሆናቸውን ገለጹ። ነዋሪዎቹ እንደተናገሩት፣ ባለፉት ሁለት ሳምንታት ብቻ ታጣቂዎች በፈጸሙት ጥቃት ቢያንስ 11 አርሶ አደሮች ተገድለዋል። ጥቃቱ መስከረም 19 እና መስከረም 30 ቀን 2019 ዓ.ም የተፈጸመ ሲሆን፣ ተጎጂዎቹ ታጣቂዎቹ አግተዋቸው የነበሩ ሰዎችን ለማስለቀቅ በሞከሩበት ወቅት የተገደሉ መሆናቸው ተገልጿል።

የአካባቢው ነዋሪዎች መንግስት ጥበቃ እያደረገላቸው ባለመሆኑ፣ ለደህንነታቸው በመስጋት ወደ ተለያዩ ከተሞች እየተፈናቀሉ ይገኛሉ። የምሥራቅ ጉራጌ ዞን ምክትል አስተዳዳሪ አቶ ደሱ አበጋዝ፣ ጥቃቱን እየፈጸመ ያለው “ኦነግ ሸኔ” የተሰኘው ቡድን መሆኑን ገልጸው፣ ችግሩን ለመፍታት ከኦሮሚያ እና ከማዕከላዊ ኢትዮጵያ ክልል አመራሮች ጋር እየመከሩ መሆኑን አስታውቀዋል።