ኣብ ዞባ ምብራቕ ጉራጌ ወረዳ ሶዶ ብዕጡቓት 11 ሰባት ተቐቲሎም

ተቐማጦ ወረዳ ሶዶ ዞባ ምብራቕ ጉራጌ ኣብ ክልል ማእከላይ ኢትዮጵያ ኣብ ዘስካሕክሕ ስግኣት ጸጥታ ከምዘለዉ ገሊጾም። ነበርቲ ከም ዝገለጽዎ፣ ኣብ ዝሓለፉ ክልተ ሰሙናት ጥራይ ብዕጡቓት ኣብ ዝተፈጸመ መጥቃዕቲ ቢያንስ 11 ሓረስቶት ተቐቲሎም። እቲ መጥቃዕቲ መስከረም 19ን 30ን 2019 ዓ.ም ዝተፈጸመ ኮይኑ፣ ግዳያት እቶም ዕጡቓት ጨውዮምዎም ዝነበሩ ሰባት ንምፍታሕ ኣብ ዝፈተንሉ እዋን ከም ዝተቐትሉ ተገሊጹ።

ነበርቲ እቲ ከባቢ መንግስቲ ምክልኻል ስለዘይገበረሎም፣ ንህይወቶም ብምስጋእ ናብ ዝተፈላለዩ ከተማታት ይፈናቐሉ ኣለዉ። ምክትል ኣመሓዳሪ ዞባ ምብራቕ ጉራጌ ኣቶ ደሱ ኣበጋዝ፣ እቲ መጥቃዕቲ “ኦነግ ሸኔ” ዝተባህለ ጉጅለ ዝፍጽሞ ከምዘሎ ብምግላጽ፣ ነቲ ጸገም ንምፍታሕ ምስ መራሕቲ ክልል ኦሮምያን ማእከላይ ኢትዮጵያን ይዛተዩ ከምዘለዉ ኣፍሊጦም።