Godina Gurage Bahaa, Aanaa Soodootti namoonni 11 hidhattootaan ajjeefaman

Aanaa Soodoo, Godina Gurage Bahaa, naannoo Itoophiyaa giddu galeessaatti jiraattonni yaaddoo nageenyaa hamaa keessa akka jiran ibsaniiru. Jiraattonni akka jedhanitti, torbee lama keessatti qofa hidhattoonni raawwatanin namoonni 11 ajjeefamaniiru. Miidhaan kun Mudde 19 fi 30, 2019 A.L.I raawwatame yoo ta'u, namoonni ajjeefaman kunneen namoota hidhattoonni butanii turan furuuf yeroo yaalanitti akka ta'e ibsameera.

Jiraattonni naannichaa mootummaan isaan eegaa waan hin jirreef, lubbuun isaanii waan sodaateef gara magaaloota adda addaatti godaanuuf dirqamaniiru. Itti aanaan bulchaa Godina Gurage Bahaa Obbo Dasu Abbaagaz, miidhaa kana kan raawwataa jiru garee “WBO” jedhamu ta'uu ibsanii, rakkoo kana furuuf qondaaltota naannoo Oromiyaa fi Itoophiyaa giddu galeessaa waliin mari'achaa akka jiran beeksisaniiru.