በጋምቤላ ከተማ የዘረፋ ሙከራ ተደረገ፤ የጸጥታ መዋቅሩ ማስጠንቀቂያ ሰጠ

የጋምቤላ ከተማ ሰላምና ጸጥታ ጽህፈት ቤት ዛሬ ጥዋት በከተማው ተደራጅተው በዘረፋ ላይ የተሰማሩ ቡድኖች እንደነበሩና በጸጥታ አካላት እርምጃ መወሰዱን አስታወቀ። በግጭቱ ረፋድ ላይ የተኩስ ድምፅ ይሰማ እንደነበር የተገለጸ ሲሆን፣ አሁን ሁኔታው መረጋጋቱንና ነዋሪዎች ሰክነው እንዲቆዩ ተመክሯል። በሌላ በኩል የክልሉ ፖሊስ የተፈናቀሉ ዜጎች ወደ ቀዬአቸው እንዳይመለሱ የሚያደናቅፉ ሃሰተኛ መረጃዎች እንዳሉ ገልጿል። በተለይም የመንግስት ተሽከርካሪዎችን ተጠቅመው ተፈናቃዮችን ከከተማ በማስወጣት ወደ ገጠር የሚልኩ አሽከርካሪዎች ላይ ጥብቅ እርምጃ እንደሚወሰድ ማስጠንቀቂያ ተሰጥቷል። የፖሊስ ዋና መምሪያ ህገወጥ ድርጊቱን እንዲያቆሙ ለባለድርሻ አካላት ጥሪ አስተላልፏል።