Magaalaa Gambeellaatti yaaliin saamichaa mudate; qaamoleen nageenyaa akeekkachiisa kennan

Waajjirri Nageenyaa fi Tasgabbii magaalaa Gambeellaa akka beeksiseetti, ganama har'aa gareen saamtootaa ta'an manneen namoota buqqa'anii saamuuf yaalii gochuun isanii fi humnoonni nageenyaa tarkaanfii fudhachuun isaanii beekameera. Ganama sa'aatii sadii irratti dhukaasni akka ture kan ibsame yoo ta'u, amma haalli magaalaa tasgabbaa'aa waan ta'eef jiraattonni tasgabbaa'anii akka turan gorfamaniiru. Gama biraatiin, poolisiin naannichaa odeeffannoo sobaa namoota buqqa'an mana isaaniitti deebi'uu isaan dhorku akka jiru ibseera. Keessattuu, konkolaataa mootummaa fayyadamanii namoota buqqa'an magaalaa keessaa gara baadiyyaatti kan geessan konkolaachiftonni irratti tarkaanfiin cimaan akka fudhatamu akeekkachiisni kennameera. Poolisiin gocha seeraan alaa kanneen akka dhaaban akeekkachiiseera.