Aanaa Abergelle keessatti namoonni 72,000 ol ta'an gargaarsa nyaataa hatattamaa barbaadu

Aanaalee Wag Hemraa keessatti aanaa Abergelletti, sababa El Ninoon hongeen mudateen, jiraatota 80,874 keessaa namoonni 72,000 ol gargaarsa nyaataa hatattamaa barbaaduu waajjirri misooma qonnaa aanaa ibseera. Lafa hektaara 17,941 irratti qotame keessaa harki 90 ol ta'u midhaan hin argamsiine.

Hongeen kun horii irrattis miidhaa cimaa geessiseera; hoolonni fi re'oonni 27,717 ol, akkasumas loon biroo fi lukkuun hedduun du'uun ibsameera. Namoonni 1,500 ol ta'an rakkina kana dandamachuu dadhabuudhaan manneen isaanii cufatanii godaanuun kan ibsame yoo ta'u, hoogganoonni aanaa fi jiraattonni gargaarsa nyaataa fi nyaata horii hatattamaan akka dhiyaatu gaafataniiru.