ኬንያ፡ የ191 ሰዎችን ህይወት የቀጠፈው ፓስተር ክስ ተመሰረተበት

በኬንያ የሻካሆላ ጫካ የሃይማኖት መሪ የሆኑት ፓስተር ፖል ማኬንዚ እና 29 ተከታዮቻቸው የ191 ሰዎችን ህይወት በማጥፋት ክስ ቀረበባቸው። የሟቾቹ አብዛኛዎቹ ህጻናት ሲሆኑ፣ ፓስተሩ "ከፈጣሪ ጋር ለመገናኘት" በሚል እንዲጾሙ በማድረጋቸው ህይወታቸው ማለፉ ተገልጿል። ፓስተሩ እና ተከታዮቻቸው በጠበቆቻቸው አማካኝነት ክሱን ውድቅ አድርገው "ማንም እንዲሞት አልተገደደም" ብለዋል።

ባለስልጣናት በሻካሆላ ጫካ ውስጥ ከመቃብር ተቆፍሮ የወጡ 400 አስክሬኖች መኖራቸውን አስታውቀዋል። የዓይን እማኞች አንዳንዶቹ ህጻናት እጅ እና እግራቸው ታስሮ መገኘታቸውን ለቢቢሲ ተናግረዋል። የፓስተሩ አስተምህሮ ዘመናዊ መድሃኒቶችን እና ትምህርትን የሚከለክል እንደነበር ተገልጿል።