ኬንያ፡ ህይወት 191 ሰባት ዘንቀለ እቲ ፓስተር ክሲ ተመስሪቱ

ኣብ ኬንያ መራሒ ሃይማኖት ዝኾኑ ፓስተር ፖል ማኬንዚን 29 ሰዓብቶምን ህይወት 191 ሰባት ብምቅታል ክሲ ቀሪቡሎም። እቶም ግዳያት መብዛሕትኦም ህጻናት ክኾኑ ከለዉ፡ ፓስተር "ምስ ፈጣሪ ንምራኻብ" ብዝብል ብምጽዋም ህይወቶም ከምዝሓልፍ ገይሮም ተባሂሉ ኣሎ። እቶም ፓስተርን ሰዓብቶምን እቲ ክሲ ብምቅዋም "ማንም ንክመውት ኣይተገደደን" ኢሎም።

ሰበ-ስልጣን ኣብቲ ሻካሆላ ዝበሃል ከባቢ ካብ መቓብር ዝወጹ 400 ሬሳታት ከምዝረኸቡ ኣፍሊጦም። ምስክር ሰባት ከምዝገለጽዎ፡ ገለ ካብቶም ህጻናት ኢድ እግሮም ተኣሲሩ ከምዝተረኽቡ ንቢቢሲ ተዛሪቦም። ትምህርቲ እቲ ፓስተር ዘመናዊ መድሃኒታትን ትምህርትን ዝኽልክል ምንባሩ ተገሊጹ።