Dhibeen kalee ijoollee irratti dabalaa dhufuun sadarkaa yaaddessaa irra gahe

Dhaabbatichi 'Mary Joy Ethiopia' dhukkubni kalee biyyattii keessatti dabalaa dhufuunsaa fi ammaan tana ijoollee irrattis mul'achaa jiraachuu beeksise. Hundeeffataan dhaabbatichaa Sistara Zebider Zawdee akka ibsanitti, dhukkubni kun %90 miidhaa erga gahee booda malee mallattoo waan hin agarsiifneef "ajjeechaa calliinsaa" jedhamee waamama.

Mary Joy magaalaalee Finfinnee, Hawaasaa fi Arba Minchitti iddoo dhiqannaa kalee banuun tajaajila kennaa jira. Dhukkubsattoonni baay'een isaanii dhukkubicha kan beekan, dhiibbaa dhiigaa ykn dhukkuboota biroo yaalchisuuf yeroo dhaqan qofa. Fayyaa kalee eeggachuuf soogidda fi sukkaara hir'isuun, akkasumas bishaan gahaa dhuguun barbaachisaa ta'uu ogeeyyonni gorsa kennu.