ኣብ ህጻናት እናወሰኸ ዝመጸ ዘሎ ሕማም ኩሊት ኣብ ኣሰካፊ ደረጃ በጺሑ

ሜሪ ጆይ ኢትዮጵያ ኣብ ውሽጢ ሃገር ሕማም ኩሊት ብዝለዓለ ደረጃ እናወሰኸ ከምዝመጸ ኣፍሊጣ። መስራቲት እቲ ትካል ሲስተር ዘቢደር ዘውዴ ከምዝገለጽኦ፡ ቅድሚ ሕጂ ኣብ ዓበይቲ ጥራይ ይርአ ዝነበረ እዚ ሕማም ሕጂ ኣብ ህጻናት እውን ይርአ ኣሎ። እቲ ሕማም ክሳብ 90 ሚኢታዊ ጉድኣት ክሳብ ዘብጽሕ ምልክት ስለዘይህብ "ስቕ ዝበለ ቀታሊ" ተባሂሉ ይጽዋዕ።

ሜሪ ጆይ ኣብ ኣዲስ ኣበባ፡ ሃዋሳን ኣርባ ምንጭን መዕለቢ ኩሊት (ዳያሊሲስ) ማእከላት ብምኽፋት ኣገልግሎት ይህብ ኣሎ። ሕሙማን እቲ ሕማም ዝፈልጥዎ ንኻልእ ሕማም ንምርመራ ክኸዱ ከለዉ ጥራይ ስለዝኾነ፡ ህዝባዊ ግንዛበ ክህሉ ከምዝግባእ ተገሊጹ። ጥዕና ኩሊት ንምሕላው ጨው፡ ሽኮርን ብሓኪም ዘይተሰዘዘ መድሃኒታትን ምውሳድ ምቅናስ ከምኡውን እኹል ማይ ምስታይ ኣገዳሲ ምዃኑ ሰብ ሞያ ይምዕዱ።