Dhukkubbiin kalee ijoollee irratti dabalaa dhufuun isaa yaaddessaa ta'uu Mary Joy Ethiopia beeksise

Dhaabbata Mary Joy Ethiopia irraa Sister Zebider Zewde, dhukkubbiin kalee kanaan dura jaarsolii irratti qofa mul'achaa ture ammaa tana ijoollee irratti dabalaa dhufuusaa ibsaniiru. Dhukkubichi hamma dhibbeentaa 90 miidhuutti mallattoo kan hin agarsiifne "ajjeechaa callisaa" ta'uu eeruun, Hawassa, Finfinnee fi Arba Minch keessatti qorannoo kalee fi tajaajila dhiiquu (dialysis) ijoollee umriin isaanii waggaa 8 irraa eegalee kennamaa jiraachuu dubbataniiru. Dhukkubsattoonni hedduun dhukkubicha kan beekan qorannoo fayyaa biraa yeroo godhatanidha. Dhaabbatichi hawaasni beekumsa waa'ee dhukkubichaa akka dabalu gaafatee, bishaan gahaa dhuguu, soogiddaa fi sukkaara hir'isuun fayyaa kalee eeggachuuf murteessaa ta'uu yaadachiiseera.