ሕማም ኩሊት ኣብ ህጻናት እናወሰኸ ምምጽኡ ዘተሓሳስብ ምዃኑ ሜሪ ጆይ ኢትዮጵያ ኣፍሊጣ

መስራች ሜሪ ጆይ ኢትዮጵያ ሲስተር ዘቢደር ዘውዴ፡ ቅድም ኣብ ዓበይቲ ጥራይ ይርአ ዝነበረ ሕማም ኩሊት ሕጂ ኣብ ህጻናት እናወሰኸ ምምጽኡ ኣፍሊጠን። እቲ ሕማም ክሳብ 90 ሚኢቲ ጉድኣት ክሳብ ዘብጽሕ ምልክት ዘይህብ "ስቕ ዝበለ ቀታሊ" ምዃኑ ዝገለጻ ሲስተር ዘቢደር፡ ኣብ ሃዋሳ፡ ኣዲስ ኣበባን ኣርባ ምንጭን ዝተኸፈቱ ማእከላት መሕጸቢ ኩሊት ካብ ሸሞንተ ዓመት ንላዕሊ ንዝዕድሜኦም ህጻናት ሕክምና ይህቡ ከምዘለዉ ኣመልኪተን። መብዛሕትኦም ተጠቀምቲ ሕክምና ንካልኦት ሕማማት ናብ ሆስፒታል ምስ ከዱ ኢዮም እቲ ሕማም ኩሊት ከምዘለዎም ዝፈልጡ። እቲ ትካል ሕብረተሰብ ንቕሓት ክፈጥር ከምዘለዎ ብምሕባር፡ እኹል ማይ ምስታይ፡ ንጽሬት ጨውያን ሽኮርን ምንካይ ንጥዕና ኩሊት ኣገዳሲ ምዃኑ ኣዘኻኺሩ።