Walitti bu'iinsi magaala Moyyaleetti hammaateera; kumaattonni gara Keeniyaatti baqachaa jiru

Jiraattonni magaala Moyyalee akka ibsanitti, walitti bu'iinsi alaabaa naannolee waliin walqabatee ka'e daran hammaatee itti fufeera. Jiraattonni sagaleen meeshaalee waraanaa gurguddaa dhaga'amaa akka jiruufi manneen jireenyaa, mana nyaataa fi konkolaatonni gubachaa akka jiran ibsaniiru. Namoonni lubbuun isaanii darbuus gabaafameera; kumaattonni hedduunis daangaa ce'uun gara magaalatti Keeniyaatti baqachaa jiru.

Masiiqni Diimaa Keeniyaa baqattoota gargaaraa jiraachuu beekameera. Jiraattonni mootummaan federaalaa giddu seenuun nageenya akka buusuufi rakkoolee bulchiinsa naannoo Oromiyaa fi Somaalee gidduutti uumaman furmaata waaraa akka kennuuf gaafataniiru. Rakkoon magaalaa Moyyalee irratti qindoomina bulchiinsaa waliin walqabatee kanaan dura irra deddeebi'amee kan uumamuudha.