ኣብ ከተማ ሞያሌ ዝተወለዐ ግጭት ተባሪሁ፤ ኣሽሓት ናብ ኬንያ ይስደዱ ኣለዉ

ነባሮ ተቀማጦ ከተማ ሞያሌ ከም ዝገለጽዎ፡ ብሰንኪ ኣጠቃቅማ ባንዲራ ክልል ዝተወለዐ ግጭት ሎሚ’ውን ተባሪሁ ቀጺሉ ኣሎ። ነባሮ ድምጺ ከቢድ ብረት ከም ዝስማዕን፡ ኣባይቲ፡ መመገቢ ተቋማትን መካይንን ይበርሱ ከም ዘለዉን ገሊጾም። ብሰንኪ እቲ ግጭት ህይወት ሰባት ከም ዝሓለፈን፡ ኣሽሓት ተቀማጦ ድማ ዶብ ሰጊሮም ናብ ኬንያ ይስደዱ ከም ዘለዉን ተሓቢሩ።

ቀይሕ መስቀል ኬንያ ነቶም ተመዛበልቲ ሓገዝ ይገብር ከም ዘሎ ተገሊጹ። ነባሮ መንግስቲ ፌደራል ኢዱ ብምእታው እቲ ኩነታት ንምቁጽጻርን ንነዊሕ እዋን ዝጸንሕ ፍታሕ ንምሃብን ጻውዒት ኣቕሪቦም። ኣብ ከተማ ሞያሌ ዘሎ መዋቕር ምምሕዳር ስዒቡ፡ ቀደም እውን ተደጋጋሚ ግጭታት ይርአ ከም ዝነበረ ይዝከር።