Yaa’iin Mana Maree Qulqullootaa (Sinoodoosii) eegale

Yaa’iin Mana Maree Qulqullootaa (Sinoodoosii) Waldaa Ortodoksii Tawaahidoo Itoophiyaa har’a eegaleera. Paatriyaarikichi, Abune Maatiyaas, haasaa isaan taasisaniin, yaa’ichi bulchiinsa waldaa, qabiinsa qabeenyaa fi tajaajila wangeelaa irratti hanqinaalee jiran furuuf akka xiyyeeffatu ibsaniiru. Keessattuu, manneen amantii keessaa fi alaa keessatti rakkoolee humna namaa fi raawwii hojii jiran furuun barbaachisaa ta’uu dubbataniiru.

Dabalataanis, Paatriyaarikichi gahee waldaan nageenya biyyaaf qabu irratti xiyyeeffataniiru. Uummanni Itoophiyaa rakkoo fi yaaddoo keessa jiru irraa akka boqotuuf, abbootiin amantii kadhannaa qofa osoo hin taane, araaraa fi wal-araarsuu irratti akka hojjetan dhaamaniiru. Kanaafis qaamolee dhimmi ilaallatuuf waamicha nagaa dabarsuuf akka mari’atan ibsameera.