12ኛው የአፍሪካ ደህንነት ጉባኤ (ጣና ፎረም) በባሕር ዳር እየተካሄደ ነው

የ12ኛው የአፍሪካ ደህንነት ጉባኤ "ጣና ፎረም" "የሰላም መንገዶች በአፍሪካ - የኢኮኖሚ ሉዓላዊነት እና የጂኦፖለቲካዊ ሽግግር" በሚል መሪ ቃል በአማራ ክልል መዲና ባሕር ዳር እየተካሄደ ይገኛል። በጉባኤው የኢፌዴሪ ጠቅላይ ሚኒስትር ዐቢይ አሕመድን ጨምሮ የጋና፣ የቡሩንዲ፣ የሞዛምቢክ መሪዎች እና የኬንያ ምክትል ፕሬዚዳንት ተገኝተዋል። ጠቅላይ ሚኒስትር ዐቢይ በንግግራቸው አፍሪካ የዓለም አቀፍ ሥርዓትን በመቅረጽ ረገድ ሚና ሊኖራት እንደሚገባና ለአፍሪካ ቀውስ የሀገር በቀል መፍትሄዎች አስፈላጊ መሆናቸውን አጽንኦት ሰጥተዋል።

ጠቅላይ ሚኒስትሩ ለኢትዮጵያ ዘላቂ ሰላም ቀዳሚ ጉዳይ መሆኑን በመጥቀስ፣ መንግሥት ለብሔራዊ ምክክር ቁርጠኛ መሆኑን እና የሰላምን መንገድ የሚመርጡ አካላትን ለመቀበል ዝግጁ መሆኑን ገልጸዋል። በጉባኤው ላይ የተለያዩ የአፍሪካ ሀገራት መሪዎች እና የዓለም አቀፍ ተቋማት ተወካዮች ተገኝተዋል።