Yaa'iin nageenyaa Afrikaa 12ffaan (Tana Forum) Baahir Daaritti gaggeeffamaa jira

Yaa'iin nageenyaa Afrikaa 12ffaan "Tana Forum" mata duree "Karaa nagaa Afrikaa - Bulchiinsa dinagdee fi jijjiirama geopolitikii" jedhuun magaalaa Baahir Daaritti gaggeeffamaa jira. Yaa'ii kanarratti Muummichi Ministiraa Itoophiyaa Abiy Ahmed, hogganoonni Gaanaa, Buruundii, Mozaambiik fi Itti Aanaan Pireezidaantii Keeniyaa argamaniiru. Muummichi Ministiraa Abiy haasaa taasisaniin, Afrikaan sirna addunyaa bocuu keessatti gahee qabaachuu akka qabduu fi rakkoolee Afrikaaf furmaata biyya keessaa barbaachisuu isaanii ibsaniiru.

Mummichi Ministiraa Itoophiyaaf nagaan waaraan dhimma dursi kennamuufii akka ta'ee fi mootummaan marii biyyaalessaaf kutannoo akka qabuu fi garee karaa nagaa filatan simachuuf qophii ta'uu ibsaniiru. Yaa'ichi hogganoota biyyoota Afrikaa gara garaa fi bakka bu'oota dhaabbilee idil-addunyaa walitti fideera.