12ይ ጉባኤ ድሕነት ኣፍሪካ (ጣና ፎረም) ኣብ ባሕር ዳር ይካየድ ኣሎ

12ይ ጉባኤ ድሕነት ኣፍሪካ "ጣና ፎረም" ብቴማ "መገድታት ሰላም ኣብ ኣፍሪካ - ቁጠባዊ ልኡላውነትን ጂኦፖለቲካዊ ሽግግርን" ኣብ ክልል ኣምሓራ፣ ባሕር ዳር ይካየድ ኣሎ። ኣብቲ ጉባኤ ቀዳማይ ሚኒስተር ኢትዮጵያ ዶ/ር ኣቢይ ኣሕመድን ሓዊሱ መራሕቲ ጋና፣ ቡሩንዲ፣ ሞዛምቢክን ምክትል ፕረዚደንት ኬንያን ተረኺቦም ኣለዉ። ቀዳማይ ሚኒስተር ኣቢይ ኣብ መደረኦም፡ ኣፍሪካ ኣብ መቐረጺት ዓለማዊ ስርዓት ተራ ክህልዋ ከምዘለዋን ንጸገማት ኣፍሪካ መፍትሒታት ካብ ውሽጢ ዓዲ ምድላው ኣገዳሲ ምዃኑን ኣስሚሮምሉ።

ቀዳማይ ሚኒስተር ንኢትዮጵያ ዘላቒ ሰላም ቀዳማይ ጉዳይ ምዃኑ ብምግላጽ፡ መንግስቲ ንሃገራዊ ዘተ ቆራጽ ከምዝኾነን ንሰላም ዝመረጹ ኣካላት ንምቕባል ድሉው ከምዝኾነን ኣፍሊጦም። እቲ ጉባኤ ዝተፈላለዩ መራሕቲ ሃገራት ኣፍሪካን ወከልቲ ዓለምለኻዊ ትካላትን ኣኪቡ ኣሎ።