በኮሬ ዞን የታጠቁ ኃይሎች በፈፀሙት ጥቃት ንፁሃን ተገደሉ

በደቡብ ኢትዮጵያ ክልል፣ ኮሬ ዞን ጎርካ ወረዳ ጃሎና ቆሬ ቀበሌዎች የታጠቁ ኃይሎች በፈጸሙት ጥቃት ንጹሃን አርሶ አደሮች እና አንድ የ14 ዓመት ታዳጊ ሕጻን ተገድለዋል። ሌሎች ሶስት ሰዎችም ጉዳት ደርሶባቸዋል። የኮሬ ዞን አስተዳደር ጥቃቱ የተፈጸመው ከምዕራብ ጉጂ ዞን አቅጣጫ በመጡ ኃይሎች እንደሆነ ገልጾ ድርጊቱን በጽኑ አውግዟል።

የዞኑ ሰላምና ፀጥታ ኃላፊ አቶ መልኩ መርሻ ጥቃቱን ያረጋገጡ ሲሆን፣ ነዋሪዎች ከዚህ ቀደም የነበሩ ተመሳሳይ ጥቃቶች አሁንም መቀጠላቸውን በመግለጽ እጅግ አሳዛኝ መሆኑን ተናግረዋል። የኮሬ ዞን አስተዳደር የምዕራብ ጉጂ ዞን አስተዳደር ወንጀለኞችን ለህግ እንዲያቀርብ ጥሪ አቅርቧል። ነዋሪዎች ሰላማቸውን እንዲጠብቁና ከጸጥታ አካላት ጋር እንዲተባበሩ ተጠይቀዋል።