Humna Nageenya Tigraay naannoo Adwaatti mallaqa manca’e argachuu ibse

Humna Nageenya Tigraay naannoo magaalaa Adwaatti mallaqni guddichi manca’ee fi korojoo keessatti kuufame argamuu isaa ibseera. Itti gaafatamaan miidiyaa fi kominikeeshinii humnichaa Mangiste’ab Tasfaay akka ibsanitti, eeruu jiraattotaa bu’uura godhachuun qulqulluun taasifameen, burjuu keessatti dhokfamee fi asiidiin manca’e, gubatee akkasumas citatee kan jiru notii qarshii 200 argameera. Hoji-raawwachiistichi iddoo sana gadi jedhanii akka ilaalanitti, korojoo ja’a ykn torba kan argaman yoo ta’u, kanneen alatti qarshii hedduun faca’ee akka jiru dubbataniiru. Odeeffannoon miidiyaa hawaasaa irratti “qarshii biiliyoona 2 hanga 3 argameera” jedhamee tatamsa’aa ture kijiba ta’uu isaa balleesaniiru. Ammaaf, dhugummaa fi baay’ina mallaqichaa mirkaneessuuf ogeeyyiin dhaabbilee federaalaa qulqulleessaa akka jiran ibsameera.