የመከላከያ ሰራዊት 119ኛ ዓመት በዓል እና ቀይ ባህርን የተመለከቱ የፊልድ ማርሻል ብርሃኑ ጁላ ንግግር

የኢፌዴሪ ሀገር መከላከያ ሰራዊት 119ኛውን የሰራዊት ቀን በይፋ አክብሯል። በስነ ስርዓቱ ላይ ንግግር ያደረጉት የጦር ኃይሎች ጠቅላይ ኢታማዦር ሹም ፊልድ ማርሻል ብርሃኑ ጁላ፣ ቀይ ባህር የኢትዮጵያ ጥቅም የሚጠበቅበት ተፈጥሯዊ ፀጋ መሆኑን አጽንኦት ሰጥተዋል። መንግስት ከቀይ ባህር እና ከአባይ ወንዝ የሚገኘውን ጥቅም ለማስከበር ቁርጠኛ እንደሆነ ገልጸዋል።

በሌላ በኩል ፊልድ ማርሻል ብርሃኑ፣ ህወሓት ባለፉት ስምንት ዓመታት አራት ጊዜ ጦርነት ከፍቶ መሸነፉን አስታውሰዋል። ሰራዊቱ የሀገርን ሉዓላዊነት በመከላከል አቅሙን እንዳረጋገጠ የገለጹት ጠቅላይ ኢታማዦር ሹሙ፣ የሽግግር መንግስት በመከላከያ ሰራዊት መቃብር ላይ እንደማይመሰረት አስታውቀዋል። ህወሓትን ለአምስተኛ ጊዜ እድል እንደማይሰጥ ገልጸው፣ የፖለቲካ ፍላጎት ካለ በሰላማዊ መንገድ መወዳደር እንደሚያስፈልግ አሳስበዋል።