በዓል መከላከያ ሰራዊት 119 ዓመት እና መልእክት ቀይ ባሕሪ

ሰራዊት መከላኸሊያ ኢትዮጵያ መበል 119 ዓመት መዓልቲ ሰራዊት ብወግዒ ኣኽቢሩ። ኣብቲ ስነስርዓት ዝተረኸቡ ላዕለዋይ ኣዛዚ ሰራዊት ምክልኻል ፊልድ ማርሻል ብርሃኑ ጁላ፣ ኢትዮጵያ ናይ ቀይሕ ባሕሪ ናይ ምጥቃም መሰል ከምዘለዋ ብምግላፅ፣ መንግስቲ ብሄራዊ ረብሓ ሃገር ንምኽባር ከምዝሰርሕ ኣረጋጊፆም። ፊልድ ማርሻሉ፣ ህወሓት ኣብ ኣርባዕተ ግንባራት ዝኸፈቶ ውግእ ከምዝፈሸለ ብምሕባር፣ ሰራዊት ምክልኻል ሐዚ ንሰላም ቀጠና ንምዕቃብ ብቑዕ ምዃኑ ኣረዲኦም።

ኣብቲ መድረኽ፣ ህወሓት ኣብ ሰሜን ወሎን ዓፋርን ዝኸፈቶ ናይ ጥፍኣት ፈተነታት ከምዝፈሸለ ተገሊፁ። ሰራዊት ምክልኻል ናይ ወፃኢን ውሽጥን ሓይልታት ክምክት ከምዝኽእል ዝገለፁ ኣዛዚ ሰራዊት፣ ንሰላማዊ ፖለቲካዊ ተሳትፎ መንገዲ ክፉት ምዃኑ ኣፍሊጦም። ብፍላይ ህወሓት ኣርባዕተ ግዜ ተሳዒሩ ሕጂውን ኣብ ጥፍኣት ከምዘሎ ብምሕባር፣ ሰራዊት ምክልኻል ሃገር ንምሕላው ድሉው ከምዝኾነን መንግስቲ ሽግግር ብዝብል ስም ዝግበር ናይ ስልጣን ምንጥቋቕ ከምዘይፍቀድን ኣጠንቂቖም።