የቦሌ አራብሳ - አይሲቲ ፓርክ የመንገድ ፕሮጀክት ኮንትራት ተቋረጠ

የአዲስ አበባ መንገዶች ባለሥልጣን የቦሌ አራብሳ - አይሲቲ ፓርክ የመንገድ ግንባታ ፕሮጀክት የኮንትራት ውል መቋረጡን አስታወቀ። ግንባታው በአለማየሁ ከተማ ጠቅላላ ሥራ ተቋራጭ አማካኝነት ሲከናወን የቆየ ቢሆንም፣ በዘገምተኛነቱ ምክንያት ውሉ እንዲቋረጥ ተደርጓል። በአሁኑ ወቅት ቀሪው ሥራ በባለሥልጣኑ የራስ ኃይል እየተከናወነ ሲሆን፣ በፕሮጀክቱ የተካተቱ 3 ድልድዮች ግን በሌላ ተቋራጭ እንዲገነቡ ተወስኗል።

ፕሮጀክቱ 6 ኪሎ ሜትር ርዝመትና 60 ሜትር ስፋት ያለው ሲሆን፣ የእግረኛና አረንጓዴ ስፍራዎችንም አካቷል። በአሁኑ ወቅት የሰብቤዝ ንጣፍ ሥራ እየተከናወነ ይገኛል። ግንባታው ሲጠናቀቅ ከቦሌ አውሮፕላን ማረፊያ ወደ አራብሳ የሚወስድ አቋራጭ መንገድ በመፍጠር በትራፊክ መጨናነቅ ላይ መፍትሄ እንደሚሰጥ ይጠበቃል።