ቤት ፍርዲ ኣሜሪካ ንምዝገባ ሎተሪ DV 2027 ክኽፈት ኣዚዙ

ቤት ፍርዲ ፈደራል ዋሽንግተን ዲሲ፡ ሚኒስትሪ ጉዳያት ወጻኢ ኣሜሪካ ምዝገባ ሎተሪ ግሪን ካርድ (DV) ንዓመተ 2027 ክኸፍት ኣዚዙ። እቲ ውሳነ ዝተመሓላለፈ፡ ምምሕዳር ትራምፕ እቲ መደብ ብግዜኡ ብዘይምኽፋቱ "ሬድ ኢግል ሎው" ብዝተባህለ ትካል ክሲ ምስ ቀረበ እዩ። ብመሰረት ትእዛዝ ቤት ፍርዲ፡ ምዝገባ ካብ 1 ሕዳር 2026 ጀሚሩ ን30 መዓልታት ክኽፈት፡ ዝርዝር ሓበሬታ ድማ ኣብ 29 ጥቅምቲ ክግለጽ ተወሲኑ ኣሎ። ይኹን እምበር ምምሕዳር ትራምፕ ነቲ ውሳነ ብምቅዋም ይግባኝ ዝበለ ኮይኑ፡ ትእዛዝ ቤት ፍርዲ ደው ክብል ጻዕሪ ይገብር ኣሎ። ብሎተሪ ምምራጽ ጥራይ ቪዛ ከምዘረጋግጽን ተወሳኺ ብቕዓት ከምዘድልን ተገሊጹ።