ሩሲያ በኢትዮጵያ እና ኤርትራ መካከል ለመደራደር ዝግጁ መሆኗን ገለጸች

የሩሲያ የውጭ ጉዳይ ሚኒስትር ሰርጌይ ላቭሮቭ፣ ሞስኮ በኢትዮጵያ እና በኤርትራ መካከል ያለውን ግንኙነት ወደ ቀድሞ ሁኔታው ለመመለስ የሚያስችል ድርድር ለማመቻቸት ዝግጁ መሆኗን አስታወቁ። ላቭሮቭ፣ ሩሲያ ከዚህ ቀደምም ሁለቱ አገራት በሞስኮ እንዲወያዩ ዕድል እንደሰጠች በማስታወስ፣ አሁንም ድረስ ሞስኮ ለዚህ ጥረት እንደ ገለልተኛ መድረክ ማገልገል እንደምትችል ገልጸዋል። የኢትዮጵያ እና የኤርትራ መንግሥታት ለውይይቱ ፍላጎት ካሳዩ፣ ሩሲያ ስብሰባውን ለማዘጋጀት እና ለማመቻቸት እንደምትጥር አረጋግጠዋል። ሚኒስትሩ አገራቱ በታሪክ እንደ አንድ ሀገር የቆዩ እና በአሁኑ ወቅት ጎረቤታሞች መሆናቸውን በመጥቀስ፣ መድረኩ አስፈላጊውን ድጋፍ እንደሚያደርግ አመልክተዋል።