Raashiyaan Itoophiyaa fi Eertiraa gidduutti marii mijeessuuf qophii ta'uu ishee ibsite

Ministirri Dhimma Alaa Raashiyaa Sergeey Laavrov, Raashiyaan hariiroo Itoophiyaa fi Eertiraa gidduu jiru fooyyeessuuf, marii mijeessuuf qophii ta'uu ishee ibsan. Laavrov, kanaan dura biyyoonni lameen kun magaalaa Moskootti akka mari'atan carraa kennamee akka ture yaadachiisuun, amma iyyuu Moskoon akka iddoo mariitti tajaajiluuf qophii akka taate ibsaniiru. Mootummoonni Itoophiyaa fi Eertiraa marii kanaaf fedhii yoo agarsiisan, Raashiyaan walga'icha qopheessuu fi mijeessuuf akka carraaqxu mirkaneessaniiru. Ministirichi biyyoonni lameen kun seenaan akka biyya tokkootti turuu fi amma immoo ollaa ta'uun isaanii kan beekamu ta'uu eeruun, raashiyaan gargaarsa barbaachisaa ta'e hundaa gochuuf qophii dha jedhaniiru.