ቀ/ሚ ኣቢይ ኣሕመድ ኣብ ጉባኤ ሩስያ-ኣፍሪካ ንምስታፍ ናብ ሞስኮ ኣትዮም

ቀዳማይ ሚኒስትር ኢትዮጵያ ዶ/ር ኣቢይ ኣሕመድ ኣብ ሳልሳይ ጉባኤ ሩስያ-ኣፍሪካ ንምስታፍ ናብ ርእሰ ከተማ ሩስያ ሞስኮ በፂሖም። ኣብቲ ዑደት፡ ቀዳማይ ሚኒስትር ኣብቲ ጉባኤ ተረኺቦም መደረ ከምዘስምዑን ምስ ዝተፈላለዩ መራሕቲ ዓለም ከምዝዘራረቡን ይፅበ። እቲ ጉባኤ ኣብ መንጎ ክልቲኦም ወገናት ዘሎ ፖለቲካዊ፡ ቁጠባዊን ቴክኖሎጅያዊን ምትሕብባር ንምጥንኻር ዝዓለመ እዩ። ቀዳማይ ሚኒስትር ናብ ሞስኮ ምስ ኣተዉ ስነ-ስርዓት ኣቀባብላ ተገይሩሎም። እዚ ጉባኤ ኣብ መንጎ ሩስያን ሃገራት ኣፍሪካን ዘሎ ዝምድና ንምዕባይ ወሳኒ መድረኽ ከምዝኾነ ይውሰድ።