የደቡብ ሬዲዮና ቴሌቪዥን ድርጅት በከባድ የሥራና የፋይናንስ ቀውስ ውስጥ መግባቱ ተገለጸ

የቀድሞና የአሁን የደቡብ ሬዲዮና ቴሌቪዥን ድርጅት (ደ.ሬ.ቴ.ድ) ሠራተኞች ተቋሙ በመዋቅራዊ፣ በአመራርና በፋይናንስ ችግሮች ምክንያት የህልውና ፈተና ውስጥ መግባቱን አስታወቁ። የቀድሞው ደቡብ ክልል ወደ አራት አዳዲስ ክልሎች መከፋፈሉን ተከትሎ፣ ተቋሙ ተገቢውን ድጋፍ እያጣ መሆኑንና አዳዲሶቹ ክልሎች የጋራ ባለቤትነታቸውን ባለማጠናከራቸው ክፍተት መፈጠሩ ተገልጿል።

በአሁኑ ወቅት ሠራተኞች የደመወዝ ክፍያ መዘግየትና የ5 ወራት የባክፔይመንት ክፍያ አለመፈጸሙን አቤቱታ አቅርበዋል። በተጨማሪም አስተዳደራዊ ቁጥጥር መጥፋቱ ለምዝበራ፣ ለቴክኖሎጂ መሣሪያዎች ብልሽትና ለስርጭት መቋረጥ እንዳጋለጠው ተጠቁሟል። ሠራተኞቹና የቀድሞ ጋዜጠኞች የፌደራል መንግሥትና አራቱ ክልሎች ጣልቃ በመግባት ተቋሙን እንዲታደጉ ጥሪ አቅርበዋል።