Dhaabbanni Raadiyoo fi Televizhiinii Kibbaa rakkoo hojii fi faayinaansii cimaa keessa akka jiru ibsame

Hojjettoonni dhaabbata Raadiyoo fi Televizhiinii Kibbaa (SRTO) duraanii fi ammaa, dhaabbatichi rakkoo caaseffamaa, hogganummaa fi faayinaansii keessa seenuun miidhaa keessa akka jiru ibsan. Godinni Kibbaa duraanii gara naannolee afuritti hiramuu isaa hordofee, dhaabbatichi deeggarsa barbaachisu dhabuun isaa fi naannoleen haaraa hundaa'an itti gaafatamummaa gamtaa hin fudhatin ta'uun ibsameera.

Amma hojjettoonni kaffaltii mindaa fi kaffaltii back-payment ji'a shan akka hin arganne himachaa jiru. Kana malees, hordoffii bulchiinsaa fi faayinaansii dhabamuun isaa saaminsa, miidhaa meeshaalee teeknooloojii fi addaan cituu tamsaasaaf akka saaxile ibsameera. Hojjettoonni fi gaazexeessitoonni duraanii mootummaan federaalaa fi naannoleen afuran kun giddu seenuun dhaabbaticha akka baraaran waamicha dhiyeessaniiru.