Itoophiyaan sirna ittisa qilleensaa S-400 Raashiyaa irraa akka argattu beeksisite

Itoophiyaan sirna ittisa qilleensaa S-400 afur Raashiyaa irraa akka argattu beeksisiteetti. Sirni kun xiyyaarota, 'cruise missile', 'drone' fi 'ballistic missile' adda baasuufi barbadeessuu kan danda'u teeknooloojii ammayyaati. Sirni kun raadaara, meeshaalee ajajaafi to'annoo akkasumas meeshaalee xiyyaa dhukaasuu kan of keessatti qabatu yoo ta'u, hanga kiiloo meetira 600 fagaatanii jiran adda baasuufi hanga kiiloo meetira 400 fagaatanii jiran rukutuuf dandeettii qaba. Sirni kun konkolaataarratti kan hidhame waan ta'eef, akka barbaachisummaa nageenya biyyaatti bakka garagaraatti socho'uu danda'a. Biyyoottan yeroo ammaa sirna kana fayyadamtu keessaa Raashiyaa, Chaayinaa, Turkii fi Indiyaan ni argamu.