ኢትዮጵያ ካብ ሩስያ ስርዓተ ምክልኻል ኣየር S-400 ክትረክብ እያ

ኢትዮጵያ ካብ ሩስያ ኣርባዕተ ዘመናዊ ስርዓተ ምክልኻል ኣየር S-400 ክትረክብ ምዃና ኣፍሊጣ። እዚ ስርዓት እዚ ነፈርቲ፣ ሚሳይል ክሩዝ፣ ድሮናትን ገለ ዓይነት ባሊስቲክ ሚሳይላትን ንምልላይን ንምጥቃዕን ዝኽእል ልዑል ቴክኖሎጂ ዘለዎ እዩ። እቲ ስርዓት ራዳር፣ መሳርሒ ትእዛዝን ቁፅፅርን ከምኡ እውን መወንጨፊያ ሚሳይል ዝሓዘ ኮይኑ፡ ክሳብ 600 ኪሎ ሜትር ርሕቀት ዘለዉ ዒላማታት ናይ ምልላይ ዓቕሚ ኣለዎ። ብተወሳኺ ከም ዓይነት ዒላማን ርሕቀትን ክሳብ 400 ኪሎ ሜትር ተወንዚፉ ክወቅዕ ይኽእል። እዚ ኣብ መኪና ተገጢሙ ዝንቀሳቐስ ስርዓት፡ ብመሰረት ድሌት ፀጥታ ሃገር ናብ ዝተፈላለዩ ቦታታት ተንቀሳቒሱ ኣገልግሎት ክህብ ይኽእል። ክሳብ ሕጂ ነዚ ስርዓት መከላኸሊ ኣየር ካብ ዝጥቀማ ሃገራት እተን ሩስያ፣ ቻይና፣ ቱርክን ህንድን ይርከብአን።