Abbaan Taayitaa Miidiyaa Itoophiyaa hayyama 'Tigray Media Agency' haaromse

Abbaan Taayitaa Miidiyaa Itoophiyaa, ejansii miidiyaa Tigraay kan kanaan dura uggurame "Tigray Broadcasting Corporation" jedhamee maqaa haarawaan hayyamni akka inni deebi'ee argatu murteesseera. Abbaan taayitichaa, hayyamni ejansichaa kanaan dura kan uggurame seera miidiyaa cabsuu, faayidaa biyyaalessaa tuquu, hammaattummaa babal'isuu fi nageenya biyyaa fi uummataa balaarra buusuu isaatiin akka ta'e yaadachiiseera.

Hayyamni kun kan haarome bulchiinsi yeroo naannoo Tigraay miidiyaan kun nageenyaa fi tasgabbiif akkasumas sagalee uummataa ta'uuf gahee gaarii akka qabaatuuf gaaffii dhiyeesse hordofuudhani. Abbaan taayitichaa gaafficha labsii miidiyaa wajjin ilaalee fi sirrii ta'uu isaa mirkaneessee raggaasiseera. Dhuma irrattis, qaamoleen dhimmi kun ilaallatu hundinuu 'Tigray Broadcasting Corporation' haarawaaf tumsa barbaachisu akka godhan dhaameera.