ኣዲስ ኣበባ፡ ከም ተቆጣጣሪ ትራንስፖርት ተመሲሉ ክጭውይ ዝጸንሐ ውልቀሰብ ተታሒዙ

ፖሊስ ኣዲስ ኣበባ ኣብ ክፍለ ከተማ ኮልፌ ቀራንዮ ወረዳ 7 ንዝነበረ ተጠርጣሪ ምሓዙ ኣፍሊጡ። እቲ ተጠርጣሪ ተገኝ መውደድ ዝተባህለ፣ ነጸብራቕ ዘለዎ ክዳን ተኸዲኑ ከም ተቆጣጣሪ ትራንስፖርት ተመሲሉ ንምኽንያት ጥሕሰት ሕጊ ትራፊክ ንዝኾኑ መካይን ብምቁራጽ ገበናት ይፍጽም ከም ዝነበረ ተገሊጹ። እቲ ውልቀሰብ ንሓንቲ መራሒት መኪና ድሕሪ ምቁራጹ፣ ብጠመንጃ ኣፈራሪሁ ንሳ ትዝውሮ ዝነበረት መኪና ብምጭዋይ ክትዝውሮ ኣገዲድዋ። እታ ተበዳሊት ንፖሊስ ምልክት ምስ ሃበት፣ እቲ ውልቀሰብ ናብ ሰማይ ተኩሱ ንምህዳም እንተፈተነ እውን ብፖሊስ ክተትሓዝ ክኢሉ ኣሎ። ድሕሪ ምትሓዙ ኣብ ዘካየዶ መርመራ፣ ቱርክ ዝተሰርሐ ጠመንጃ፣ 14 ጥይታት፣ ክዳን ተቆጣጣሪ ትራንስፖርት፣ ካንጀራን ዝተሰረቑ ገመዳት ኤሌክትሪክን ተረኺቡ። ሕብረተሰብ ካብዚ ተበጊሱ፣ ተቆጣጣሪ ትራንስፖርት እየ ዝብል ሰብ ሕጋዊ መለለዪ ወረቐት (መታወቂያ) ክሓትት ከም ዘለዎ ፖሊስ ኣተሓሳሲቡ።