በራማ ከተማ በደረሰ የድሮን ጥቃት ቢያንስ 11 ሰዎች ተገደሉ

በራማ ከተማ በደረሰ የድሮን ጥቃት ቢያንስ 11 ሰዎች መገደላቸው ተገለጸ። ጥቃቱ የተፈጸመው ማሽላ የጫነች መኪና ላይ ሲሆን፣ ነዋሪዎች እህል ሲሰበስቡ በነበረበት ወቅት ሁለተኛው ጥቃት ተከስቷል። የፈረንሳይ ዜና ወኪል (ኤኤፍፒ) የህክምና ምንጮችን ዋቢ በማድረግ እንደዘገበው፣ የሟቾች ቁጥር 11 መሆኑን ሲያረጋግጥ፣ አንዳንድ የዓይን ምስክሮች ቁጥሩ ከፍ ሊል እንደሚችል ገልጸዋል።

ACLED እንደዘገበው ከሆነ ደግሞ በጥቃቱ 12 ሰዎች መገደላቸውንና በርካታ ሰዎች መቁሰላቸውን አመልክቷል። የአካባቢው ነዋሪዎች የመጀመሪያው ጥቃት ታጣቂዎችን ያነጣጠረ እንደነበር ቢገልጹም፣ ሁለተኛው ጥቃት ሰላማዊ ሰዎችን መምታቱን በምሬት ተናግረዋል።