ኣብ ከተማ ራማ ብዝተፈጸመ መጥቃዕቲ ድሮን እንተወሓደ 11 ሰባት ተቐቲሎም

ኣብ ከተማ ራማ፣ ክልል ትግራይ ብዝተፈጸመ መጥቃዕቲ ድሮን እንተወሓደ 11 ሰባት ተቐቲሎም ክብል ኣገልግሎት ዜና ፈረንሳይ (AFP) ካብ ጸዓዳ መረዳእታታት ብምጥቃስ ኣፍሊጡ። እቲ መጥቃዕቲ ክልተ ግዜ ዘጋጠመ ኮይኑ፡ ናይ መጀመሪያ መጥቃዕቲ ንማሽላ ዝጸዓነት መኪና ዝዓለመ እዩ ነይሩ። እቲ ካልኣይ መጥቃዕቲ ድማ እቲ ዝተበተነ እኽሊ ንምእካብ ኣብቲ ቦታ ኣብ ዝነበሩ ሲቪል ሰባት እዩ ዘጋጠመ።

ACLED ብወገኑ ኣብ ዘውጽኦ ጸብጻብ፡ 12 ሰባት ከም ዝሞቱን ካልኦት ከም ዝቖሰሉን ኣፍሊጡ። ነበርቲ ከም ዝገለጽዎ፡ እቲ ናይ መጀመሪያ መጥቃዕቲ ንታጣቒታት ዘተኮረ እኳ እንተነበረ፡ እቲ ካልኣይ መጥቃዕቲ ግን ንሰላማዊ ሰባት ከም ዝሃረመ ብምግላጽ ብርቱዕ ሓዘን ተሰሚዕዎም ኣሎ።