የኢትዮጵያ ቀይ መስቀል በትግራይ ክልል ከ68 ሚሊዮን ብር በላይ ድጋፍ አደረገ

የኢትዮጵያ ቀይ መስቀል ማኅበር በትግራይ ክልል ለሚገኙ የጤና ተቋማት ከ68 ሚሊዮን ብር በላይ የሚገመት የመድኃኒት፣ የምግብ እና የገንዘብ ድጋፍ አድርጓል። ከዚህ ድጋፍ ውስጥ ከ3.5 ሚሊዮን ብር በላይ የሚሆነው በውሽ ሆስፒታል ለሚገኙ 1600 የጦር ጉዳተኞች የተሰጠ የምግብ ድጋፍ ነው። ይህም 240 ኩንታል የስንዴ ዱቄት፣ 720 ሊትር የምግብ ዘይት እና 7 ኩንታል ጨው ያካተተ ሲሆን ለአንድ ወር የሚቆይ ነው። በተጨማሪም ማኅበሩ ከእንግሊዝ መንግስት በተገኘ ድጋፍ ከ56 ሚሊዮን ብር በላይ ዋጋ ያላቸው መድኃኒቶችን ለስድስት ጤና ጣቢያዎች አከፋፍሏል። የዚህ የሰብአዊ ድጋፍ መርሃ ግብር ለሚቀጥሉት ሁለት ዓመታት እንደሚቀጥል ተገልጿል።