ኢትዮጵያዊ ቀይ መስቀል ኣብ ትግራይ ልዕሊ 68 ሚልዮን ብር ሓገዝ ገይሩ

ኢትዮጵያዊ ቀይ መስቀል ማሕበር ኣብ ትግራይ ንዝርከባ ትካላት ጥዕና ልዕሊ 68 ሚልዮን ብር ዝግመት ሓገዝ መድሃኒትን መግብን ገንዘብን ገይሩ። ካብዚ ሓገዝ እዚ ልዕሊ 3.5 ሚልዮን ብር ዝግመት መግቢ ን1600 ኣብ ሆስፒታል ኣዋሽ ንዝርከቡ ግዳያት ውግእ ንሓደ ወርሒ ዝኣክል ከምዝውዕል ተገሊጹ፤ እዚ ድማ 240 ኩንታል ስርናይ፣ 720 ሊትሮ ዘይቲን 7 ኩንታል ጨውን ዘጠቓለለ እዩ። ብተወሳኺ እቲ ማሕበር ካብ መንግስቲ እንግሊዝ ብዝረኸቦ ሓገዝ ልዕሊ 56 ሚልዮን ብር ዝግመት መድሃኒት ንሽዱሽተ ጣቢያታት ጥዕና ኣከፋፊሉ ኣሎ። እዚ ሰብኣዊ ሓገዝ ንዝቕጽሉ ክልተ ዓመታት ከምዝቕጽል ተሓቢሩ።